خاص : نجمك
بعد صمت طويل ردت المطربة نجوى كرم مؤخرا على الفنانة الكبيرة سميرة توفيق حول تعليقات النجمة الكبيره على موضوع التطاول على اغانيها و بأنها لم تستأذن في يوم منها وقالت : فيه حدا مابيعرف انو اغنية تنقل ياغزالي لسميرة توفيق , الكل بيعرف انو هيدي الغنيه للست العظيمه سميرة توفيق , وانا غنيت هالاغاني ومانسبتها لحالي ابدا بالعكس كنت دايما اذكر ان هودي الاغاني للست سميرة وانو مابيصح لحدا انو ينسب ايا شي مش إلو لحالو والحقيقه عمرا ماتتغطا بغربال .
واضافت شمس الاغنية العربية : اذا الست سميرة بتشوف انو ديانا حداد غنت افضل مني فهيدا حقا المشروع في ابداء الرأي وكل وحده منا لها لونا وطريقتها في الغناء وانا بحترم كتير النجمة ديانا حداد .
كما اضافت نجوى كرم : انا بوعد الست سميرة توفيق مراح اتجرأ على اغانيها بعد اليوم وماراح اغني لها بحياتي ابدا وهيدا وعد مني لمطربتنا الكبيرة .
وفي النهاية تمنت نجوى كرم الصحه والعافيه لسميرة توفيق حيث قالت : بتمنى انها ماتغيب ابدا وحتى اذا غابت بيظل صوتا محاوطنا وتاريخها الطويل ومشوارها الكتير محترم بيظلوا نبراس لألنا كلياتنا .
