أثارت الإعلامية المصرية ياسمين عز جدل عبر ساحات السوشال ميديا ( تويتر + انستقرام + فيس بوك ) وذلك بعد تصريحات وتلميحات قويه ضد مذيعه تلفزيونيه يقال انها رضوى الشربيني .
وقالت عز في تدوينه لها عبر حسابها في الفيس بوك : “ويحك يا دعسوقة .. كرامة إيه يا أم كرامة بلاستيك أطرافها مطاط تمط وتنكمش حسب المصلحة والظروف المحيطة” .
واضافت : “مدام بليز كرامتك وقعت منك آخر مرة هناك، ابعتي عبد (مظلوم ) من عندك يجيبها قبل ما تسيح فالشمس .. واحكيلنا بالمرة (قواعد بيات المرأة الأربعون برة بيت الزوج من غير اذنه ))” ، وتابعت : “سلينا كده في الأجازة لأنك شطبتي محتوي وبقيتي مملة، حتي في تلقيحك مملة .. زيرو محتوي، زيرو أنوثة،، بس الأمانة استرجال ليڤل الوحش” .
“ده أنا مش بس أدوس عالفساتين الماركات، ده أنا أدوس علي أي حد علشان خاطر الفرعون الصغير الكبير .. بعمل ده فالحياة العادية وبقوله فالعلن،،” ، “إنما بقى لما يكون في خرابة بيوت بتبوس الجذم فالسر وتعمل فيلم (مظلوم ) وتطلع فالعلن تحكيلنا مأساة المرأة الإغريقية، كده انتي محتاجة علاج يا مدام، روحي اتعالجي يا مدام، في تشوهات نفسية وشياط وغيرة ويأس بدأ يتجلي ويتفشي ويترعرع في الأنحاء” ، “وبلاش نشغل اسطوانة المرأة الحديدية علشان المرأة نفسها لو عرفت انتي إيه هيجيلها صدمة دماغية حضارية” .
واختتمت ياسمين عز: ” بقولك يا خرابة البيوت العمرانة جربي حطي إسمي تاني في تلميحات أو تلقيحات علشان هنتفرج كلنا وقتها أنا هدوس علي إيه تاني غير الماركات .. واهو بالمرة نحكي الحكايات ونسلي الناس فالأجازات” .
وعلقت رضوى الشربيني على هذا التصريح قائلة: “وأنا أقول الكلام ده لي، أنا ست عندها كرامة .. كلام العبيد ده مش بتاعي” .
