نشر المذيع المصري الساخر باسم يوسف صورة له امام سيارته الرنج وهو شبه عاري ، حصدت هذه الصورة اكثر من اربعه وسبعين الف اعجاب عبر حسابه في الإنستقرام ، وقد علق متابعون له ان هذه الصورة ماهي إلا فوتوشوب .

View this post on Instagram

For some reason I did this pose with a seagull standing on a car and I was at Venice Beach and was shirtless . This is one of those opportunities to write a long ass essay about growing up and feeling comfortable in one’s body and bring in shallow analogies and pretentious words to justify taking a photo this way . But no . I will just put it there and #keepitshallow . Also #mohamedramadan #نامبروان

A post shared by Dr/Political Satirist/Vegan (@bassem) on Feb 12, 2020 at 11:57am PST

The post باسم يوسف ينشر صورة له شبه عاري appeared first on نجمك.

أستولت  الدمية الساخرة ” أبلة فاهيتا ” على المسرح الذي كان يقدم عليه المذيع الساخر باسم يوسف برنامجه ” البرنامج ” حيث ستقدم برنامج كوميدى ساخر قالت عنه فاهيتا أنها ستنجح حتماً فيه وسوف يكون نجاحها مضاعفاً .

وكانت فاهيتا قد أستولت على المسرح الذي كان يقدم فيه باسم يوسف برنامجه الشهير ” البرنامج ” بعد أن تم إيقاف البرنامج بسبب تهديدات تلقاها باسم من جماعات إرهابية ونوهت بتصفيته .

أبلة فاهيتا قالت : بدلا من أن يقوم شخص غريب بأخذ المسرح من باسم يوسف و يقوم بفتحه محل للكفته قمت انا بأخذه .

باسم يوسف

The post أبله فاهيتا تطرد باسم يوسف من مسرح ” البرنامج ” وتستولي عليه ! appeared first on نجمك.

شنَّ رواد مواقع التواصل الإجتماعي هجوماً عنيفاً على الاعلامية ريهام سعيد بعد التصرف اللاأخلاقي واللاإعلامي واللاإنساني الذي اقترفته ضمن برنامجها “صبايا الخير” حيث نشرت صور فاضحة للفتاة التي عرفت بقصة “فتاة المول” التي اعتدى عليها أحدهم بالضرب.
وتوحدت مصر بكل أطيافها إعلامياً فنياً إجتماعياً وإعلانياً ضد سعيد، الأمر الذي دفع بالمعلنين في برنامجها إلى الاستجابة للحملة التي دشنها رواد مواقع التواصل الاجتماعي، بتشجيع من الإعلامي الساخر باسم يوسف الذي وعدهم بالتعويض عليهم من خلال تسخير صفحته الخاصة على موقع تويتر والتي تحوي 5.51 ملايين متابع للقيام بحملة إعلانية مجانية لكل من يستجيب لطلب الحملة.
وغيرد قائلاً:” ليه تصرف ملايين على إعلانات في برنامج وإنت ممكن يشوفك خمسة مليون متابع هنا لو قاطعته:آلو إيفا، بيتي، أفي بيبي،المراعي… إعلانك عندنا”.
وبالفعل وفى يوسف بوعده فامتلأت صفحته باسماء الشركات التي أعلنت عن وقف دعمها للبرنامج وعدم مسؤوليتها عن المحتوى الذي قدمته سعيد فيه.
على الجانب الآخر، طالب المحامي طارق محمود في إنذار قضائي موجه إلى علاء الكحكي، رئيس مجموعة قنوات “النهار”، بإيقاف برنامج “صبايا الخير”، الذي تقدمه ريهام سعيد لعرضها مواد إعلامية خادشة للحياء العام ومنافية للآداب خاصة في حلقة البرنامج الذي أذيع أول أمس الأربعاء.
وأكد محمود أن إنذاره القضائي تضمن أن “المذيعة استغلت المنبر الإعلامي لقناة “النهار” في تصفية خلافاتها الشخصية وممارسة الابتزاز الإعلامي مع خصومها، حيث عرضت في الحلقة صورا عارية لإحدى الفتيات كانت قد استضافتها في أحدى حلقاتها وحدث معها بعض الخلافات”.
وأشار محمود، في إنذاره، إلى أن “هذه المذيعة قد دأبت على نشر فيديوهات وصور مخلة بالآداب العامة وتدعو للانحطاط الأخلاقي وأن قناة النهار ومنذ بداية بثها يقف على رأسها العديد من الإعلاميين المتميزين إلا أن هذه المذيعة خالفت المعايير المهنية والأخلاقية ومارست ابتزازا رخيصا على الهواء مباشرة وهو ما أدى إلى نفور المشاهدين من البرنامج”.
وأضاف في إنذاره أن ما قامت به المذيعة مخالف للدستور والقانون وهو ما سيعرض القناة للمسائلة القانونية.

The post المعلنون ينسحبون من برنامج “صبايا الخير” appeared first on نجمك.

تساءل السيناريست عمرو سمير عاطف عن سبب رحيل باسم يوسف من مصر وعدم العودة اليها عبر صفحته علي موقع التواصل الاجتماعي فيس بوك .
وكانت المفاجأة هو رد باسم يوسف على التساؤل بإستفاضه، حيث قال:
عزيزي أستاذ عمرو سعيد انك افتكرتني مع انه مش بالخير قوي، انا باحترم اعمالك و آراءك و شايف انك من الناس اللي رايها يحترم و ده شيء نادر الأيام دي. عزيزي عمرو حضرتك بتقول اني عادي لو اتهموني اني عميل و خاين.و انا مع احترامي شايف ان دي مزايدة كان ده شئ عادي. حضرتك الاتهامات دي مش سهلة اليومين دول . معادتش حاجات فارغة في ألهوا. دي ممكن تأذي بل و يصدر عليك احكام بسببها و كله بالقانون .منهم قانون ٨٧ اللي طلع السنة اللي فاتت او قانون “الأشياء الاخرى” اللي ممكن عادي يلبسك تهمة خيانة عظمى لو ما قلته او فعلته “يسيئ للوطن” و دي تهمة فضفاضة جدا. طيب هل انا خايف على نفسي؟ هو ده مش عيب بس يا سيدي انا مشهور و الدنيا حتتقلب و مش حيهمني. مع اننا شفنا ناس و معاهم جنسيات تانية بتتحبس عادي. بس قول انا بره و آخرهم يحطوني على قوائم الانتظار (قال يعني ده شئ بسيط) او يمنعوني من تجديد الباسبور زي أيمن نور آللي عملوا فيه كده (كل ده عادي ايه يعني ما تستحمل يا خرع) طيب انا بره مصر و مش هاممني. طيب اللي جوه مصر؟ اخويا اللي لِسَّه عايش هناك؟ مراتي و بنتي اللي لِسَّه بيزوروا مصر عشان أهل مراتي. أهل مراتي خالي ، عمي خالتي ، الخ؟ ببالغ؟ طيب من خمس ايام الصحفي محمد ابو الغيط اللي شغال في تلفزيون العربي الجديد في لندن و مش بيعمل فيديوهات بيتفرج عليهاملايين قبضوا على ابوه في بيته بتهمة التحريض على الارهاب. كتب على ده ممكن حضرتك تتاكد. طيب بعد المزايدة اللطيفة دي لو حصل حاجة لاهلي. حد منكم حينفعني؟ طيب انا بعد البرنامج ما وقف السنة اللي فاتت رحت اتكلمت في مؤتمر في ألمانيا . ما خبطش قوي. تاني يوم أتعمل كبسة مصنفات على شركة الانتاج اللي كانت بتنتج البرنامج و بعدين صلتنا اتقطعت. التهمة “نسخ ويندوز غير اصلية” اتقبض على ناس و اتصادرت كاميرات و اجهزة ولولا صاحب الشركة يعرف ناس كان زمانه اتحبس. و اتقاله بالحرف “خللي باسم ألمانيا تنفعه” بعدها بشهر رحت أوسلو اتكلمت و ما خبطش قوي. بعدها بأسبوع اتخبطت اوسخ حكم تحكيم في تاريخ الإعلام المصري بميت مليون جنيه و سبت مصر كأني تاجر مخدرات او كأني بعت الغاز بتاع البلد. و مش عارف ارجع حتى أدفن ابويا لما مات. حضرتك بتقول اني “نخيت من اول تهويشة” طب نفتكر مع بعض؟ بعد تلاتين ستة عملت الحلقة إياها في سي بي سي. و اتمنعت و بعدين اترفعت قضايا تحكيم . فضلنا اربع شهور ما اشتغلناش غير الأربعة شهور اللي بعد تلاتين ستة. كنّا بنصرف على ايجار المسرح و مرتبات الطاقم الضخم من جيوبنا. حرفيا انا فلست و شركة الانتاج كانت حتقفل. بس “ما نخيتش” رجعنا تاني على أم بي سي. اتشوش علينا مرتين بطريقة ما حصلتش قبل كده. اتبعت صيع و بلطجية كل أسبوع يحاصروا المسرح. سيبك من الهبل بتاع “خمسة مليار يا باسم” فيه فيديوهات لبلطجيك بتتوعدتي بالقتل عادي جدا. و ناس تانية مسجلين خطر كنّا بنشوفهم بره. و في طل الظروف دي كملنا و فضحنا الاعلام و الكفتة و غيره. ايه اللي حصل بعد كده. اتوقفنا. حد عملنا حاجة؟ نفعنا بحاجة؟ بالعكس ناس صدقت اني خدت خمسة مليون جنيه و اقعد في البيت. عادي ما جتش على دي. طيب قوللي يا أستاذ عمرو. ايه فايده اني اعمل فيديوهات دلوقتي؟ عشان انتقد الهبل اللي في الاعلام و التناقض اللي قي البلد؟ طيب انا سيدي الفاضل فضحت نفاق الأعلام و خيبتنا في سد النهضة بعد تلاتين ستة و التسريبات و نظرية المؤامرة و عمهم كلهم جهاز الكفتة. قوللي يا أستاذ عمرو: الناس عملت حاجة؟ حاجة اتغيرت؟ و لا انت عايزني استمر في عمل فيديوهات عشان الناس تتقلب على قفاها من الضحك و دمتم. و لما يحصل حاجة لحد من اهلي حينوبني مصمصة شفايف و كام تويتة. انا مش حعرض اهلي للخطر عشان ناس سلبية بتزايد على ناس تانية انهم مش بيدوهم الافيونة بتاعتهم. انا أسف. تعبير قاسي بس سامحني. حضرتك فيه واحدة اسمها أية حجازي محبوسة من سنة. تهم ارهاب و هي أصلا جاية من برة تساعد أطفال الشوارع. حد نفعها. و غيرها كتير. عشان أقولك بس انهم ما بيهمهمش حد و الناس اخرها فعلا كام تويتة. اسمحلي أفكرك بحاجة. ليلة تصوير اول حلقة رجوع على السي بي سي و حتى قبل ما تتعرض راحوا لبيت ابو المنتج بتاعي و قبضوا عليه. بتهمة الاٍرهاب و التمويل و التحريض. و قعد في السجن سنة. راجل عنده سبعين سنه عنده قلب و ضغط و الذي منه . و قبليه قبضوا على اخوه عشان كان في مكتب مرسي و قعد في السجن سنة و نص. من غير تهم و من غير ادلة. و اتقالهم صراحة انه بسببي و مع ذلك استمريت في الام بي سي. انا طلعت مع يسري فودة و قلت الكلام ده. فرقت في حاجة؟ بالعكس ثبتوا عليا تهمة الآخونة. انا مش خايف على نفسي. انا خايف على ناس مالهاش ذنب. كل ما بأكتب حتى تويتة ناس من مصر من عيلتي و أصحابي بتكلمني و تترجاني اسكت عشان ما يتأذوش أستاذ عمرو. حضرتك بتقول عليا اني كنت قائد ملايين . انا عمري ما قلت كده و رفضت اني أصنف كده. الناس حطتني في الموقف ده لفشل ناس شغلتها السياسة بس انا عمري ما طلبت كده. انا مع احترامي “ما نخيتش” انا قاومت على قد ما اقدر. و اللي يقولك اني ما عملتش في النظام الحالي زي ما عملت في نظام الاخوان فكره ان وقت الاخوان الاعلام غير الاسلامي كله كان ضده و كان لبانة في بق الجميع. بعد تلاتين ستة ما حدش كان عارف يتنفس حضرتك. و ارجع لأجواء تلات شهور بعد تلاتين ستة . نسبيا احنا كنّا ضد التيار و اتبهدلنا لمجرد التلميح. لكن يظهر اني عشان ارضي الناس لازم أكرر النكت بتاعة مرسي أو آلبس برنيطة او أسب ام السيسي . أستاذ عمرو انا في حل اني أقولك انا اتعرض عليا ايه و الفلوس اللي اتعرضت عشان اعمل حاجات كوميدي و خفيفة و مقالب في وقت انا ماعنديش فيه مصدر دخل. انا مش محتاج اني أقولك انه اتعرض عليا ارجع بس “بتفاهمات” و رفضت. بس مضطر أقولك كده عشان المزايدات. انا يا سيدي الفاضل على دماغي لعنة اسمها البرنامج. و لا عارف اعمله و لا عارف اعمل حاجة غيره. هل ممكن أقول اللي عايزة من خلال دراما او تمثيل؟ بافكر في كده فعلا بدل حالة اللاشئ اللي انا فيها دي. بس مش حيبقى برضة في مستوى البرنامج. و اللي يخليهم يقطعوا عيش بلال يخليهم يعملوا كده تاني . أستاذ عمرو سهل قوي تزايد على حد.بس لو البرنامج بحجمه كان خللى الناس تتحرك كان زمان الفيديوهات اللي انت عايزني اعملها كان فيها أمل. لو كان البرنامج بحجمه كان حماني و حمى الناس اللي حواليا كان ممكن أفكر في الفيديوهات . طول ما الناس سلبية و مش عايزة تساعد نفسها فانا مش مستعد أضر حد حواليا. و انا هنا مش بالوم الناس. انا بقولك ان الظروف قاسية على الكل فما تطلبش من غيرك انه يحارب عشان الناس . لان زي ما انت شايف كله بيتفرم و ما حدش له دية. انا مقدر ان ممكن يكون فيه عشم و حسن نية مع اني كنت أتمنى بما انك عملتلي تاج يعني كان ممكن توصلي و تسألني مباشرة بدل ما تشرد ليا على البروفايل. انا ححاول أرد على حضرتك على الانبوكس و سامحني لو راح “ال others” اني أرد عليك على الوول

The post رحيل باسم يوسف من مصر نهائياً appeared first on نجمك.

أعلن الإعلامي الساخر باسم يوسف وفتاة والده المستشار رأفت يوسف إثر حادث سيارة.
ومن خلال حسابه على تويتر، كتيب باسم يوسف: “توفي إلى رحمة الله والدي المستشار رأفت يوسف إثر حادث سيارة.. إنَّا لله و إنَّا إليه راجعون”.

The post وفاة والد باسم يوسف appeared first on نجمك.