لا تزال موجة ردود الفعل تتوالى تجاه رسالة الممثلة نادين الراسي الشديدة اللهجة التي وجهتها الى بعض اللاجئين السوريين ، وخصوصاً ممّن شتموا الجيش اللبناني أخيراً .
فعلى الرغم من اعتذار الراسي عبر قولها : “أ كيد بعتذر من كل حدا انزعج من كلامي بس بأكِّدلكن فهمتوني غلط ، أنا إمِّي سوريّة يا جماعة وأقاربي بالجيش السوري لليوم ” ، وجّهت المطربة رويدا عطية عبر صفحاتها الرسمية على مواقع التواصل الإجتماعي كتاباً بياناً انتقدت من خلاله الراسي ، وجاء فيه:
“عزيزتي نادين الراسي ، بحب روحك الوطنية وبقدر جداً الشخص اللي قوميتو كبيرة بس ما بحب حدا يقرب على جيشنا ، تعي لأعطيكي نبذة عن تاريخنا وجغرافيتنا اللي حكيتي عنا ، سوريا قبل ما ادعوه انو ثورة وسوريا ما بعد فشل الثورة قبل اعتقد معروفة تاريخيا وجغرافيا واقتصاديا ومي وكهربا اذا بتحبي ، ورح إهديكي كتاب بيحكي عن هالبلد العظيم الشأن بداية من التلاميذ إلى أكبر عبقري حقق استحقاق لأجل هالبلد ، نجي هلق على سنوات الأزمة ، من التلاميذ إلى أكبر عبقري إلى أهم مفصل وهو الجيش العربي السوري ، يللي ما بتعرفيه عن هالجيش ، ما بنام ما بيروح بيشوف أهله ، ممنوع يمرض كرمال مين كرمالنا نحنا أخواته وأهله وأمه هي الوطن يللي ممنوع حدا يزعلها”.
نادين الراسي
وأضافت عطية: ” وجيشك يا عزيزتي تماماً بالأزمات نفس الشي بيعمل وقت انتي ترجعي آخر الليل من التصوير وتمرقي من جنب حاجز ويوقفك لثانيتين حفاظاً فقط على أمنك وأمانك ، وكل جيوش العالم هيك بتقدم حالها وقت الشدة ، وجيشنا صرلو ست سنوات وما يزيد وبعده صامد وشامخ ، بستغرب منك تشبهي جيشنا بداعش ، بتعرفي شو يعني داعش !!.. صن لسانك يا أختي تصون نفسك ، ولبنان وجيش لبنان ممنوع حد حتى بالورد يرميهم “.
وختمت: “هيك علمتنا سوريا لغة الرقي بعز الوجع ، الله يحفظ جيش لبنان وسوريا ، الفنان صوت الشعب ، كوني صورة وصوت لبلدك صح وانتقدي وقوي النقد لحد الجرح ، بس إذا جرحتي لا تدمي ، عندك محبين كتير بسوريا ومستحيل حدا منن يطلب منك إذا دخلتي البلد يقلك طلعي منا وافرقينا بريحة طيبة.. مانا لغتنا.. صححي موقفك لأنو أحياناً تصرفاتنا بتجي عكس توقعاتنا ، لا تخلي الغضب يتحكم فيكي ، أو إذا عم تمرقي بظروف صعبة تكون هيي عم تتحكم بتصرفاتك ، وشكراً “.
