هاله الصدقي بعد طلبها في بيت الطاعه : اين شقتي الزوجيه؟

علقت الفنانة هالة صدقي على خلفية تلقيها إنذارا بالطاعة من زوجها سامح سامي وذلك في مداخلة هاتفية في برنامج مع حضرة المواطن والذي يقدمه سيد علي ، حيث قالت : ” أنا موافقة جدا على الطاعة ومش معترضة ، بس شقة الزوجية كانت إيه ؟ دي شقتي اللي أنا إتجوزت فيها وخلفت فيها وعشت فيها ، واللي هو سافر وسابنا منها ، والعنوان اللي كاتبه عنوان شقة أبوه .”

وأوضحت هالة صدقي أن المسألة ليست حالتها الشخصية : ” بالنسبالي الموضوع قلب كوميدي وسيبك من موضوعي أنا الشخصي ، إحنا بنتكلم على قوانين تهين المرأة أكيد في آلاف أو ملايين الحالات زي حالتي لكن أصواتهم مش بتوصل ، وأكيد في ستات كتير بيتعرضو للمواقف دي القوانين دي حقيقي كلها في صف الرجل وتهين المرأة وتجرحها بشكل أو بآخر .”

وأضافت : ” الراجل دا الحقيقة ممكن يكون عايز شهرة ، وممكن مر بظروف نفسية صعبة لخبطته لأن إحنا من شهر الراجل منزل فيديو بيقول أنا طلقتها على الهوا وفي نفس الوقت بيبعتلي ماسيدجات عياط وانهيار واعتذارات، لكن عيب أطلعها .”

كما اشترك في المداخلة المحامي المتخصص في الأحوال الشخصية رمسيس النجار ، وقال : ” لا توجد طائفة من طوائف الأقباط تخضع لبيت الطاعة ، ومفيش مبدأ اسمه بيت الطاعة ، ولكن ما يثور في إنذار الطاعة والاعتراض عليه هو طبقا للشريعة العامة ومن ثم فإن المسيحيين بكافة طوائفهم لا يعرفون نصا في اللوائح على ذلك.”